Бүгін бүкіл әлем балалар күнін атап өтеді. Балалардың құқығын, денсаулығын сақтау, жас ұрпаққа білім беріп, дамыту — біздің басты мақсатымыз. Біз Қазақстандағы барлық баланың бақытты болашағын қамтамасыз етуіміз керек. Біз әр баланың үніне құлақ асуымыз қажет, — деп жазды президент Twitter-дегі парақшасында.
Бүгін бүкіл әлем балалар күнін атап өтеді. Балалардың құқығын, денсаулығын сақтау, жас ұрпаққа білім беріп, дамыту – біздің басты мақсатымыз. Біз Қазақстандағы барлық балалардың бақытты болашағын қамтамасыз етуіміз керек. Біз әр баланың үніне құлақ асуымыз қажет. #БалаБолашағымыз
— Qasym-Jomart Toqayev (@TokayevKZ) November 20, 2020
Еске салайық, Мемлекет басшысы биылғы жолдауында балалардың қауіпсіздігі мен құқығын қорғау мәселесіне ерекше назар аудару керек екенін айтты.
Біз кәмелеттік жасқа толмаған балаларға қатысты жыныстық сипаттағы әрекеттері үшін қылмыстық жазаны едәуір қатаңдаттық. Алайда бұл проблема әлі де ушығып тұр. Мұндай қылмыскерлер рақымшылық алу және мерзімінен ерте босау құқығынан айырылып, мейлінше қатаң жазалануы керек. Оларды қауіпсіздігі барынша жоғары түзеу мекемелерінде оқшаулаған жөн. Мұндай әрбір істі прокуратура органдары ерекше бақылауға алуға тиіс, — деді Қасым-Жомарт Тоқаев.