2020 жылы 11 мыңнан астам этникалық қазақ қандас мәртебесін алды

2020 жылы 1 қарашадағы жағдай бойынша 11,8 мың адам Қазақстанға оралып, қандас мәртебесін алды. Бұл туралы Еңбек және халықты әлеуметтік қорғау министрлігінің баспасөз қызметі хабарлады.

Төлқұжат паспорт
Фото: Тұрар Қазанғапов

Олардың жартысынан көбі (55,5%) Қытайдан, 28,8%-і Өзбекстаннан, 9,1%-і Түрікменстаннан, 3,4%-і Моңғолиядан және 2,9%-і басқа елдерден келген.

Келген этникалық қазақтар негізінен Алматы (52,3%), Маңғыстау (13,4%) және Түркістан (5,5%) облыстарына, сонымен бірге Нұр-Сұлтанға (4,1%) және Алматыға (5,7%) қоныстанды.

10 айдың қорытындысы бойынша еңбекке қабілетті жастағы қоныс аударушылар саны – 55,9%, еңбекке қабілетті жастан кіші – 32,6% және зейнеткерлер – 10,5%.

Айта кетейік, 1991 жылдан бері республикаға 1 миллион 69,1 мың этникалық қазақ оралды.