Қазақстанда бір тәулікте 700-ден астам адамнан COVID-19 анықталды

13 қарашаның қорытындысы бойынша 704 адам коронавирус жұқтырды. Жаңа дерек тағы да Шығыс Қазақстан облысында көп тіркелді. Мұнда кейінгі тәулікте 248 адамнан инфекция анықталды.

Елімізде коронавирус инфекциясын жұқтырғандар саны 119 833-ке жетті. Оның ішінде:

Алматыда – 15 166(+77);
Нұр-Сұлтанда – 15 110(+86);
Шығыс Қазақстан облысында – 13 272(+248);
Атырау облысында – 11 409(+12);
Қарағанды облысында – 10 787(+17);
Батыс Қазақстан облысында – 7 417(+35);
Алматы облысында – 5 321(+20);
Шымкентте – 5 287(+5);
Солтүстік Қазақстан облысында – 4 935(+51);
Павлодар облысында – 4 934(+49);
Жамбыл облысында – 4 249(+6);
Ақмола облысында – 4 215(+35);
Қостанай облысында – 4 211(+52);
Түркістан облысында – 3 435(+1);
Маңғыстау облысында – 3 415(+1);
Ақтөбе облысында – 3 402(+7);
Қызылорда облысында – 3 268(+2).

COVID-19-ды жеңгендер

Қазақстанда тағы 317 адам коронавирустан жазылды:

Нұр-Сұлтанда – 48;
Ақмола облысында – 39;
Ақтөбе облысында – 7;
Атырау облысында – 7;
Шығыс Қазақстан облысында – 98;
Жамбыл облысында – 3;
Батыс Қазақстан облысында – 3;
Қарағанды облысында – 13;
Қостанай облысында – 2;
Павлодар облысында – 40;
Солтүстік Қазақстан облысында – 51;
Түркістан облысында – 6.

Жазылғандардың жалпы саны – 109 275 адам.

Ауырып жатқандар

Қазіргі уақытта коронавирус инфекциясынан 8 627 адам емделіп жатыр. Олардың арасында 437 бала бар. 3 001 науқас стационарларда, 5 626 адам амбулатория жағдайында ем алып жатыр.

Жалпы науқастардың арасында 191 адамның ахуалы нашар. Соның ішінде 25 науқастың жағдайы аса қатты ауыр, 26 науқас өкпені жасанды желдету аппаратына қосылған.

COVID-19 белгілері бар пневмония жұқтырғандар

Өткен тәулікте 199 дерек тіркелді. Бір тәулік ішінде 69 адам жазылып шыққан.

2020 жылдың 1 тамызынан бастап 39 923 науқас тіркелді, барлығы 29 485 адам айықты.

Қайтыс болғандар

Өткен тәулікте коронавирус жұқтырған 7, пневмониямен ауырған 1 науқас қайтыс болды.

Пандемия басталғалы коронавирустан 1 931 пациент, 1 тамыздан бері пневмониядан 416 адам өлді.