Зейнетақы жинағының бір бөлігін алу: Сенат Салық кодексіне түзету енгізді

Бүгін, 12 қарашада Сенаттың жалпы отырысында депутаттар зейнетақы жинағындағы қаржының бір бөлігін алған кезде төленетін салық кейінге шегеру мәселені қарастырды.

Сенат
Фото: Senate.parlam.kz

Мәулен Әшімбаевтың айтуынша, зейнетақы жарнасының бір бөлігін алғаны үшін төлейтін салық қазіргі кезде азаматтар үшін тиімсіз.

Зейнетақы жинағындағы қаржының бір бөлігін алдын ала алған кезде оның 10%-ін бірреттік салық ретінде төлеу қажет екені белгілі. Аталған салықты зейнетақы жинағын алған кезде емес, тек зейнетке шыққан соң ғана төлеу ұсынылып отыр. Оның өзінде, бәрін бірден аудармай, заң жобасына 16 жылдың ішінде бөліп төлеу туралы норма енгізілді, – деді Мәулен Әшімбаев.