Қазақстанда маска қандай бағамен сатылуы қажет?

Қазақстанда ПТР сараптамасын жасату және масканың шекті бағасы белгіленді. Бұл туралы Бәсекелестікті қорғау және дамыту агенттігінің баспасөз қызметі хабарлады.

Агенттік зертханалық қызметтер мен қорғаныс құралдары бағасының дұрыс қойылуын тексерді. Нәтижесінде ПТР сараптамасының құны 18 000 теңгеден 9 000 теңгеге дейін төмендеді.

“Олимп “КДЛ” ЖШС және “Инвиво” ЖШС 9 000 теңгеден көп болмайтын баға белгіледі, “Сұңқар” ЖШС және “Әйгерім” ЖШС жекелеген зертханалары ПТР сараптамасы құнын 6 000 және 7 000 теңгеге дейін төмендетті, – делінген хабарламада.

Медицина маскасын өндірушілер бағаны бір дана үшін 21 теңгеге дейін төмендетті, дистрибьюторлар мен бөлшек сауда орындарының үстеме бағасы 20 теңгеден 3 теңгеге, орта есеппен 60 теңгеден 26 теңгеге дейін төмендеді.