Тағы бір облыстан ПТР анықтамасыз шығуға тыйым салынды

Көліктегі мемлекеттік бас санитар дәрігер Сәдуақас Байғабылов Солтүстік Қазақстан облысында 9 қарашадан бастап әуе, теміржол көлігіне ПТР анықтамасыз отыруға тыйым салынғанын айтты.

Бұл туралы Tengrinews.kz порталы хабарлады.

9 қарашадан бастап Солтүстік Қазақстан облысынан әуе немесе теміржол көлігі арқылы шығатын жолаушылардың ПТР-тесті теріс нәтижемен болуы керек. Анықтама алған күннен бастап 3 тәулікке жарамды. 5 жасқа дейінгі балаларға бұл талап қойылмайды, – деді көліктегі бас санитар дәрігер.

Солтүстік Қазақстан облысы – ПТР анықтамасыз шығуға рұқсат етілмеген Қазақстандағы екінші өңір. Бұған дейін мұндай шектеу Шығыс Қазақстан облысында енгізілген еді.