Премьер-министр Асқар Маминнің төрағалығымен ҚР аумағында коронавирус инфекциясының таралуына жол бермеу жөніндегі ведомствоаралық комиссияның отырысы өтті.
Комиссия бірқатар шешім қабылдады:
І. Мына азаматтар үшін мемлекеттік шекараны кесіп өту тәртібіне өзгерістер енгізу:
- ҚР аумағында тұруға ықтиярхаты бар шетелдіктер, олардың отбасы мүшелері үшін;
- ҚР азаматтарының отбасы мүшелері болатын шетелдіктер үшін.
Аталған санаттағы тұлғалар ҚР мемлекеттік шекарасын 90 тәулікте 1 реттен артық кесіп өте алмайды (бұған дейін 30 тәулік болған).
II. Визасыз режим бойынша
57 елдің азаматтары үшін визасыз режимді тоқтата тұруды 2021 жылдың 1 мамырына дейін ұзарту.
Қытай Халық Республикасы мен Үндістаннан келетін транзиттік жолаушылардың Қазақстан аумағында 72 сағат визасыз болуын тоқтата тұруды 2021 жылдың 1 қаңтарына дейін ұзарту.
IІІ. Түркиямен әуе рейстері бойынша
2020 жылдың 9 қарашасынан бастап Түркиямен халықаралық әуе рейстерінің санын аптасына 33-тен 20-ға дейін қысқарту.
