Президент Реджеп Тайип Ердоғанға көңіл айту жеделхатын жолдады

Қасым-Жомарт Тоқаев Измир провинциясындағы жер сілкінісі салдарынан қайтыс болған және зардап шеккен азаматтар туралы суыт хабарды терең күйзеліспен қабылдады деп хабарлайды Ақорда.

Сізге және осы табиғи апатта жақындарынан айырылған отбасыларға Қазақстан халқының және жеке өзімнің атымнан көңіл айтып, орны толмас қайғыға ортақтасамын. Жарақат алған адамдардың тез арада отбасына қайта оралуына дұға етеміз. Бауырлас түрік халқына шынайы тілекші ел ретінде қажет болған жағдайда қазақ халқы мен Үкіметі тиісті көмек көрсетуге дайын, – делінген жеделхатта.