Ұлттық статистика бюросының басшысы тағайындалды

Бұл қызметке Нұрболат Айдапкелов тағайындалды. Ол мұның алдында Ұлттық экономика министрлігі Статистика комитетінің төрағасы боллы.

Тиісті жарлық Ақорданың сайтында жарияланды.

Мемлекет басшысының өкімімен Нұрболат Серғалиұлы Айдапкелов Қазақстан Республикасының Стратегиялық жоспарлау және реформалар агенттігінің Ұлттық статистика бюросының басшысы қызметіне тағайындалды, – делінген құжатта.

Нұрболат Айдапкелов 1979 жылғы 22 шілдеде Жамбыл облысында туған. 2000 жылы Қазақ мемлекеттік басқару академиясын “Бухгалтерлік есеп және аудит”, 2002 жылы Қазақ гуманитарлық-заң университетін “Заңтану” мамандығы бойынша бітірді.

2001 жылдан бастап 2002 жыл аралығында Статистика агенттігі “Ақпараттық-есептеу орталығы” РМҚ-да жұмыс істеді.

2002-2003 жылдары Статистика агенттігінің жетекші маманы,

2003-2007 жылдары “Мемлекеттік экспорттық кредиттер және инвестицияларды сақтандыру корпорациясы” АҚ-ның бас маманы, Қаржы департаментінің директоры,

2007-2008 жылдары “КАЗАгро “ҰҚ” АҚ-ның басқарушы директоры,

2008-2009 жылдары  “КазАгроГарант” АҚ-ның басқарма төрағасы,

2009 жылдың шілдесінен желтоқсанына дейін Astana Knowledge City АҚ консультанты,

2009-2011 жылдары Статистика агенттігі төрағасының орынбасары,

2011-2013 жылдары Статистика агеттігінің жауапты хатшысы,

2013-2014 жылдары Статистика агенттігі департаментінің директоры,

2015-2016 жылдары – коммерциялық құрылымдарда басшылық қызметтерді атқарды.