Қызылорда облысындағы мүгедектігі бар азаматтарға электр арбалар жеткізілді

Еңбек және халықты әлеуметтік қорғау министрлігі "Мүгедек адамдарды электр жетегі бар кресло-арбалармен қамтамасыз ету" мемлекеттік тапсырмасын іске асыру мақсатында өңірлер бойынша медициналық көрсетілімі бар мүгедектігі бар адамдарға электр жетегі бар кресло-арбалар сатып алды.

мүгедек бала арба
Фото: Informator.news

Қызылорда облысының денсаулық сақтау басқармасының қорытындысымен оңалтудың жеке бағдарламасы негізінде серуендеуге арналған кресло арбаларды алуға немесе ауыстыруға мұқтаж 38 ересек, 2 мүгедек бала бар. Электр жетегі бар кресло-арбалар Қызылорда қаласына жеткізілді.

Электропривод кресло-арбалар заңнама аясында Қызылорда мен тиісті аудандардың теңгеріміне өткізілгеннен кейін мүгедектерге таратылатын болады.