Арыстағы саябақтарға интернет жүйесі тартылды

Бұл жоба облыстық цифрландыру, мемлекеттік қызметтер көрсету және архивтер басқармасы мен қала әкімдігінің қолдауымен жүзеге асырылды.

Түркістан облысы Арыс тұрғындарының енді кез келген уақытта ғаламторды тегін пайдалануына мүмкіндігі бар. Себебі қаладағы төрт сабақта тегін Wi-Fi желісі орнатылды. Атап айтсанда, желі “Дендросаябақ”, “Батырлар аллеясы”, “Арбат”, “Жастар” саябағында іске қосылған.

Жүйе 20 Мбит/с жылдамдықта жұмыс істейді. Лимитсіз желіні орнату жұмыстарын “Транстелеком” компаниясы жүргізген.

Саябақтарға серуендеуге барған тұрғындар арақашықтықты сақтап, бетперде тағуды ұмытпау қажет. Сонымен қатар, тегін Wi-Fi желісін пайдалану кезінде жастардың тәрбиесіне кері әсер ететін сайттарға да кіруіне шектеулер қойылған.