Sputnik Қырғызстан порталының хабарлауынша, Қырғызстан президентінің міндетін атқарушы Садыр Жапаров елдегі парламент сайлауын 2021 жылдың көктеміне — сайлау жүйесінің реформасы аяқталатын уақытқа ауыстыру туралы заңға қол қойды.
Біздің заң жобамыз Конституцияға қайшы келмейді. Сараптама жүргізілді, барлығы заңнамаға сәйкес. Заң жобасын қолдауды сұраймын, ол қоғамдық-саяси жағдайды тұрақтандыруға мүмкіндік береді, — деді Садыр Жапаров.
Президент міндетін атқарушы баспасөз қызметінің хабарламасында құжат бірқатар жағдайға, сонымен бірге елдегі қоғамдық-саяси жағдайға байланысты қабылдануы керегі жазылған.
Жогорку кенеш депутаттарын сайлау мерзімі конституциялық реформадан кейін Қырғызстанның заңнамасына сәйкес 2021 жылдың 1 маусымынан кешіктірмей тағайындалады.
Бұған дейін Қырғызстанда президент сайлауы 2021 жылдың 17 қаңтарында, ал парламент сайлауы 20 желтоқсанда өтетіні хабарланған еді.
