Түркістан облысы Сайрам ауданындағы 1984 жылы салынған коммуналдық меншіктегі бос тұрған ғимарат биыл күрделі жөндеуден өткізілді. Нысан мемлекеттік тұрғын үй қорынан тұрғын үйге мұқтаж ретінде 184 ата-анасының қамқорлығынсыз қалған балалардың мәселесін шешуге сеп болды. Ғимараттың жалпы алаңы — 586,3 шаршы метр, ал тұрғын үйдің алаңы – 367,8 шаршы метр.
Мемлекеттік бағдарлама аясында 2019 жылы жергілікті бюджет есебінен қаралған қаржыға жобалық-сметалық құжаттары дайындалып, ғимаратты күрделі жөндеуден өткізу үшін 84 миллион теңге қаражат жұмсалған. Күрделі жөндеу жұмыстарын «Астана — Көктем С» ЖШС мердігер мекемесі жүргізді.
Ғимараттағы тұрғын үй жайларымен 17 жетім және ата-анасының қамқорлығынсыз қалған балалар (отбасы) қамтамасыз етілді. Жаңа баспана иесі атанған жандар қуанышымен бөлісіп, алғыс білдірді.