Қазақстанда 26 қазаннан бастап кинотеатрлар жұмысын қайта бастайды. Бұл туралы үкіметтің баспасөз қызметі хабарлады. Кинотеатрда қашықтық және маска тағу режимі сақталуға тиіс, сыйымдылығы 30%-тен аспауы керек.
Сонымен бірге эпидемиология ахуалы тәуір өңірлерде бизнес субъектілерінің қызметін кезең-кезеңмен қайта жандананды. 2020 жылдың 24 қазанынан бастап сенбі күндері сағат 17.00-ге дейін сауда ойын-сауық орталықтары, сауда үйлері, жабық базарлар жұмыс істейді.
Алайда мектепке дейінгі балалар мекемелерінің, бильярд және компьютер клубтарының, ойын-сауық мекемелерінің, банкет залдарының, түнгі клубтардың қызметіне салынған тыйым алынбайды. Облысаралық жолаушылар тасымалдарына және ортақ вагондарды құруға рұқсат жоқ.