Азербайжанның Гяндж қаласында құрбандар саны көбейді

Армения аумағынан Гянджаға зымыран шабуылдарының құрбандары көбейді. 17 қазанға қараған түні СКАД жедел-тактикалық баллистика зымыраны Гянджаға атылған. Бұл туралы Sputnik-Әзербайжан хабарлады.

Фото: Haqqin.az

Әзербайжан Президентінің көмекшісі, Президент Әкімшілігінің сыртқы саясат бөлімінің басшысы Хикмет Гаджиев жаралылардың саны 40 адамға, қаза болғандар саны  12 адам5а жеткенін айтты.

Естеріңізге сала кетейік, бұған дейін 6 адамның қаза тапқаны, 35 адамның жараланғаны хабарланған болатын.

Арменияның мемлекеттік террорын тоқтату керек, – деді Әзербайжан Президентінің көмекшісі Хикмет Гаджиев.

Қаланың көптеген азаматтық инфрақұрылымы мен көлік нысандары қатты зақымданды. Қазіргі уақытта оқиға болған жерде Бас прокуратура құрбан болғандардың тізімін нақтылау бойынша тергеу жүргізіп жатыр.