Қасым-Жомарт Тоқаев жұмыс сапарымен Семейге барды

Президент сапар барысында "Ұлы ақын Абай ұлдарымен" ескерткішінің ашылу салтанатына қатысады.

Мемлекет басшысы Семейге жұмыс сапарымен барды. Бұл туралы оның баспасөз хатшысы Берік Уәли Facebook-те хабарлады.

Президент Абайдың “Жиделі-Бөрлі” мемлекеттік тарихи-мәдени және әдеби-мемориал қорық-мұражайын аралап көреді. Сонымен бірге “Қарағайлы” шағынауданындағы құрылыс жұмыстарымен танысады.

https://www.facebook.com/100003403233694/videos/pcb.3254088781381198/3254088201381256

Бұдан бөлек, ақынның сирек кітаптар қорының көрмесін тамашалап, “Абай әлемі” сериясымен шыққан кітаптарды көріп, абайтанушы ғалымдармен кездеседі. Қасым-Жомарт Тоқаев сапар соңында Жидебайға барып, “Абай-Шәкәрім” мемориал кешені мен ақынның мұражайүйінің тыныс-тіршілігімен танысады, – деп жазды Берік Уәли.