Бішкекте төтенше жағдай режимі жарияланды

Қырғызстан президенті Сооронбай Жээнбеков Бішкекте төтенше жағдай режимін жариялады. Бұл туралы ел президентінің баспасөз қызметі хабарлады.

Қырғыз Республикасы Бішкек қаласының аумағында 2020 жылғы 9 қазанда сағат 20.00-ден бастап 21 қазанда сағат 08.00-ге дейінгі кезеңге төтенше жағдай режимі енгізілсін. Қырғыз Республикасы ішкі істер министрінің орынбасары Орозалиев Алмазбек Кыдырмайұлын Қырғыз Республикасы Бішкек қаласында төтенше жағдай режимі кезеңінде комендант (бұдан әрі – Комендант) болып тағайындалсын. Төтенше жағдайды қамтамасыз ету үшін Қырғыз Республикасының Бішкек қаласында комендатура құрылсын, – делінген жарлықта.

Жарлыққа сәйкес, қалада комендант сағаты, азаматтардың кіруі мен шығуының ерекше режимі енгізіледі.

Жеке азаматтарға белгіленген мерзімде өз үйінен (пәтерінен) немесе уақытша тұрғылықты жерінен шығуға тыйым салынады.