2006 жылы шыққан бірнеше банкнотты енді айырбастауға болмайды

Ұлттық банк 2006 жылғы шығарған 2 000, 5 000 және 10 000 теңгелік банкноттарды айналыстан алудың 4 жылдық кезеңі аяқталғанын хабарлады.

Бұл банкноттар 2006 жылы 15 қарашада айналысқа шыққан еді және 2016 жылдың 4 қазанынан бастап заңды төлем құралы болмады.

Екінші деңгейдегі банктер, Ұлттық пошта операторы және Ұлттық банк филиалдары жоғарыда аталған банкноттарды қабылдап, ұлттық валютаның қолданыстағы ақша белгілеріне айырбастады. Айырбастау кезеңі 4 жылға созылды.

2000 теңге
Фото: Ұлттық банктің баспасөз қызметі

5000 теңге
Фото: Ұлттық банктің баспасөз қызметі

10000 теңге
Фото: Ұлттық банктің баспасөз қызметі

Айналыстан алу мерзімінің аяқталуына байланысты 2006 жылғы үлгідегі номиналы 2000, 5000 және 10000 теңгелік банкноттарды Қазақстан аумағындағы екінші деңгейдегі банктер, Ұлттық пошта операторы және Ұлттық банк филиалдары қабылдамайды және айырбастамайды.