Қасым-Жомарт Тоқаев Алматы облысына барды

Мемлекет басшысы Қасым-Жомарт Тоқаев кешенді бітімгершілік оқу-жаттығуларын көру үшін Алматы облысына барды. Бұл туралы Президенттің баспасөз хатшысы Берік Уәли хабарлады.

Президент – Қазақстан Республикасы Қарулы Күштерінің Жоғарғы Бас Қолбасшысы әскери даярлық оқу орталығының қызметімен танысып, бітімгершілік операцияларды пысықтау оқу-жаттығуларының белсенді кезеңін бақылайды, – деп жазды Берік Уәли Facebook-парақшасында.

Фото Берік Уәлидің Facebook-парақшасынан алынды.

Оған қоса, Қасым-Жомарт Тоқаев әскери қызметкерлердің алдында сөз сөйлейді деп жоспарланған.