Greenpeace Russia бұл оқиғаның Камчаткадағы кәсіби серфингшілер жиналатын туристік орталық Халактырский жағажайында болғанын хабарлады. Олардың мәліметінше, Халактырский жағажайындағы судың түсі өзгеріп, адам денсаулығына қауіп төндірген. Кейінгі бірнеше аптада суға түскен адамдар жағымсыз жағдайларға тап болған.
Судың сынамаларын тексергеннен кейін мамандар мұнай өнімдері төрт еседен, ал фенол 2,5 еседен артық екенін анықтады. Ластану көлемі әлі анықталған жоқ, бірақ өлі жануарлардың барлық жағалауда табылуы жағдайдың маңызды екенін растайды.
Ластанудың себептері әлі анықталған жоқ. Үлкен химиялық ластануларға және проблемаға жедел жауап алу үшін біз оның себептерін жедел тергеу, көлемін бағалау және салдарын жедел жою туралы талаппен Табиғи қолдану саласы бойынша федерал қызметке, Тұтынушылардың құқықтарын қорғау және адамның әл-ауқатын қадағалау жөніндегі федерал қызметке, Қорғаныс министрлігіне және Бас прокуратураға жүгіндік. Апат болған жерге Greenpeace экспедициясы аттанады, — делінген хабарламада.
Куәгерлердің бірі Дофлейн сегізаяғының мәйітін көрсетті. Ол — Солтүстік Тынық мұхитында жүзетін алып сегізяқ.
Жергілікті серфингшілердің бірі Антон Морозов қазіргі жағдай туралы, дауылдан соң су сәл тазарғанын айтты.
Бірақ суда сары қоспа мен бөтен иіс бар. Ал үш сағаттан кейін тамағым ауыра бастады. Осы уақыт ішінде біз таңертең Мәскеуге тәуелсіз сараптама жасау үшін жіберілетін үлгілерді алдық. Ертең біз бәрін егжей-тегжейлі зерттеу үшін жерсерік түсірген суретте орналасқан өзенге жетіп, не болып жатқанын сол жерде түсінеміз деп үміттенеміз, — деді ол.
Серфер Антон Морозовпен байланысқан Юрий Дудь те апат туралы айтты.
