Белгілі экономист Олжас Құдайбергенов Ұлттық экономика министрлігі жанындағы басқарушы кеңестің төрағасы болып сайланды.
Бүгін, 25 қыркүйекте кеңестің отырысы өтті. Онда Қазақстандағы мемлекеттік басқарудың жағдайы мен болашағы талқыланды.
Ұлттық экономика министрі Руслан Дәленов кеңестің негізгі міндеттерін түсіндірді. Бұл — министрліктің қызметін бағалау және жетілдіру бойынша ұсыныстар әзірлеу.
Кеңес төрағасы болып экономист, ҚР Президенті жанындағы әлеуметтік-экономикалық реформалардың мониторингін талдау орталығының мүшесі Олжас Құдайбергенов сайланды.
