Еңбек және халықты әлеуметтік қорғау министрлігі баспасөз қызметінің хабарлауынша, биыл қандастардың жартысынан көбі Қытайдан (59,1%) келген. Ал 25,6% Өзбекстаннан, 8,8% Түрікменстаннан, 3,5% Моңғолиядан және 3% басқа елдерден оралған.
Олар Алматы (54,6%) және Маңғыстау (12,7%) облыстарына, сонымен бірге Нұр-Сұлтанға (4,1%) және Шымкентке (3,1%) қоныстанды.
Келушілердің ішінде 60%-тен астамы еңбекке жарамды жаста, шамамен 5%-і ғана зейнеткерлер. Қандас мәртебесін алғандар Қазақстан азаматтарымен қатар Жұмыспен қамту орталықтары арқылы жұмыс таба алады, – деді Еңбек, әлеуметтік қорғау және көші-қон комитетінің көші-қон мониторингі басқармасының басшысы Дастан Айтқұлов.
Айта кетейік, 1991 жылдан бері республикаға 1 миллион 67,2 мың шетелдегі қазақ оралды.
Ал 2019 жылдың осы кезеңінде 9,6 мыңға жуық ұлты қазақ азаматтар қандас мәртебесін алды, оның ішінде 53% Өзбекстаннан, 26% Қытайдан, 21% Моңғолиядан, Түрікменстаннан және басқа елдерден келді.