Сыртқы істер министрлігі баспасөз қызметінің хабарлауынша, Қазақстанның Түркиядағы төтенше және өкілетті елшісі Абзал Сапарбекұлы саябақтың ашылуына қолдау көрсеткені үшін Түркия мемлекетіне алғыс айтты.
Ол халықаралық деңгейдегі осындай шаралар алдағы уақытта да екі ел арасындағы ынтымақтастықты одан әрі нығайтатынына сенім білдірді.
Шара кезінде Абайдың өлеңдері оқылып, әндері орындалды.
Анталияның Мұратпаша ауданының мэрі Үміт Үйсал саябаққа Абай Құнанбайұлының есімін беру қазақ және түрік халықтарының рухани әрі мәдени жақындығын көрсететін маңызды іс-шара екенін айтты.
Айта кетейік, биыл ұлы ақын Абайдың туғанына 175 жыл.
