- «Мулан» (Mulan)
Қытай императоры елді солтүстіктен келе жатқан жаудан қорғау үшін әр үйден бір ер азаматты әскерге алуға бұйрық береді. Муланның әкесі ауру болса да, бұрынғы құрметті әскери адам ретінде қолына қару алмақшы болады. Дегенмен Мулан жігіт болып киініп, әке орнына жауға аттанады. Бұл сынақта оның ішкі рухы мен нағыз потенциалы шыңдалады.
1998 жылдың маусымында Disney осы атаумен мульфильм шығарған еді. 2020 жылғы картина дәл сол анимациялық фильм оқиғасымен түсірілген. Режиссеры — Ники Каро, Фа Муланның ролін Лю Ифэй сомдайды.
Disney туындысында Қазақстанның Nomad Stunts каскадерлар командасы түскенін айта кетейік. Nomad Stunts — бұл компаниямен серіктес болып отырған тұңғыш қазақстандық ұйым. Каскадерлар басшысы Жайдарбек Күнғожинов — ірі Голливуд студиясы жобасынан роль алған алғашқы қазақстандық актер.
«Муланның» дүниежүзіндегі премьерасы 2020 жылдың 26 наурызына жоспарланған еді, бірақ коронавирус пандемиясы кесірінен премьера 4 қыркүйекте өтті. Алайда Қазақстанда кинотеатрлардың жабық болуына байланысты көрсетілген жоқ.
2. «Қағида» (Tenet)
Картина режиссеры — Кристофер Нолан, басты рольдерде Джон Дэвид Вашингтон мен Роберт Паттинсон ойнайды. Фильм сюжеті бойынша басты рольдегі жігіт дүниежүзін құтқару үшін күреседі. Ол халықаралық тыңшылықтың бұлыңғыр шындығына саяхаттайды, бірақ көп ұзамай оның миссиясы нақты істердің шеңберінен шығады. Ол уақытты басқарудың ерекше әдісі — инверсияға тап болады.
«Қағиданың» дүниежүзіндегі премьерасы 2020 жылдың 17 шілдесінде болуы керек еді, бірақ фильм көпшілікке 26 тамызда ұсынылды. Алайда Қазақстанда кинотеатрлардың жабық болуына байланысты көрсетілген жоқ.
3. «Ғажайып әйел: 1984» — Wonder Woman 1984
Картинаны АҚШ, Оңтүстік Корея және Испания бірігіп түсірген. Режиссеры — Пэтти Дженкинс. Басты рольдерді Галь Гадот, Педро Паскаль, Конни Нильсен және Крис Пайн сомдайды. Фильм фэнтези, триллер жанрында түсірілген.
Фильм сюжеті мынадай: Лорд — ықпалы мықты әрі табысты бизнесмен. Ол адамдардың құдайы болғысы келеді. Бұл үшін Лорд жер-жерден өзіне шексіз қуат пен нағыз құдай күшін сыйлайтын адамды табуға тырысып, дүниежүзінен сиқырлы артефактілер жинатады. Бұл жолда оған ежелгі тарих маманы Барбара Энн Минерва деген дәрігер көмектеседі. Сөйтіп жүргенде Минерва бір артефактіге қол жеткізеді. Бұл оны жабайы, қанішер әрі басқаруға келмейтін мысық әйел — Гепардқа айналдырып жібереді. Ашу-ызадан жарылардай болған ол Лордтың кесіренен осы күйге түстім деп, бұрынғы серіктесін өлтіруге бел буады.
«Ғажайып әйел: 1984» картинасының премьерасы 2020 жылдың 4 маусымында болуы керек еді, пандемия кесірінен фильм 1 қазанда экранға шығатын болды.
Қазақстандық көрермен Ticketon.kz порталына байланыс мәліметтерін қалдырса, фильм шыққан кезде хабарлама ала алады.
4. «Қара жесір» — (Black Widow)
Әйгілі Marvel киностудиясының бұл туындысы 2020 жылдың 30 сәуірінде көрерменге жол тартуы керек еді. Енді фильмді биыл 28 қазанда тамашалаймыз. Режиссеры — Кейт Шортланд. Фильмде қара жесірді Скарлетт Йоханссон сомдайды. Оған қоса Флоренс Пью, Рэйчел Вайс, кіші Роберт Дауни сияқты актерларды көре аламыз. «Черная вдова» Marvel-дің кинематография әлемінің төртінші фазасын ашуы керек.
Фильм сюжеті бойынша «Лейпциг-Галле» аэропортындағы оқиғадан кейін басты рольдегі Наташа Романоффты өткен өмірінің қатесі басып озды. Өзі сияқты жесірлер, яғни кәсіби киллер мен тыңшыны дайындайтын «Қызыл бөлме» бағдарламасы есіне түседі. Наташа өзін жасаған адамдармен түпкілікті айналысуға бел буады. Оған ескі таныстары — Елена, Алексей, Қызыл күзетші мен Мелина қосылған қауіпті қастандық туралы білу үшін Кек алушылар командасына қосылғанға дейінгі өмірін еске түсіруіне тура келеді.
Қазақстандық көрермен Ticketon.kz порталына байланыс мәліметтерін қалдырса, фильм шыққан кезде хабарлама ала алады.
5. Форсаж 9 — (F9)
Тоғызыншы Форсаждың режиссеры — Джастин Ли, ол франшизаның 3-6 бөлімдерін түсірген. Бұл — Доминик Торетто туралы экшн-франшизаның жалғасы. Доминик Торетто — көшедегі көлік бәйгесі десе, жанын беретін әрі аса қауіпті қылмыс ойындарына қатысатын аңыз кейіпкер. Картинада Вин Дизель, Мишель Родригес және Тайриз Гибсон ойнайды. Оған қоса, Сайфер деген киберқылмыскер роліне Шарлиз Терон оралды.
Фильм 2020 жылдың 21 мамырында үлкен экранға шығуы керек еді. Дегенмен коронавирус пандемиясына байланысты премьера 1 қазанға ауысты. 2021 жылы франшизаның оныншы бөлімі түсіріледі. Продюсерлердің айтуынша, бұл — «Форсаждардың» соңғысы.
Қазақстандық көрермен Ticketon.kz порталына байланыс мәліметтерін қалдырса, фильм шыққан кезде хабарлама ала алады.
