Қолданыстағы 30 нысанның 23-і Google maps және «Yandex карта» жүйесіне енгізілген. Іске қосылған жобалардың барлығы жоба бастамашыларының қаражаты есебінен жүзеге асырылған. Жыл соңына дейін тағы екі нысанды іске қосу жоспарланып отыр.
Бағдарлама аясындағы туристендіру картасына облыстан үш туристік нысан енгізілді: «Қамыстыбас» демалыс аймағы, «Жаңақорған» шипажайы, «Байқоңыр» ойын-сауық туристік аймағы. Айта кету керек, «Байқоңыр» ойын-сауық туристік аймағын құру туристендіру картасының ТОП-10 басым нысандар тізіміне, ал «Қамыстыбас» демалыс аймағы мен «Жаңақорған» шипажайы ТОП-50 нысандар тізіміне енгізілді. Қазіргі таңда «Байқоңыр» ойын-сауық туристік аймағын құру жобасы бойынша біршама жүйелі жұмыс жүріп жатыр.
Жоба толығымен жүзеге асқан жағдайда жылына 250–500 мың аралығында турист тартады деп жоспарланып отыр.
