ҰБТ-да бір сұрақтан екі ұпай алуға болады — Сағадиев

Үкіметтің бүгінгі отырысында ҚР Білім және ғылым министрі Ерлан Сағадиев ұлттық бірыңғай тестілеудің жаңа форматы бойынша есеп берді.

2017 жылдан бастап түлектер мектеп аттестатын алу үшін емтиxан тапсырады. Ал жоғары оқу орнына түсу үшін ҰБТ тапсыруы керек.

Министрдің айтуынша, мектепті бітірген кездегі емтиxан бес пән бойынша өткізіледі. Соның ішінде төртеуі міндетті, біреуі оқушының таңдауына қарай қабылданады.

«Бүгінде барлық мектептерде ондай емтиxандар бар. Оны бірыңғай ұлттық тестілеуге бармағандар тапсырып жүр. Сондықтан ешқандай өзгерістер жоқ. Бір жаңалық, бұған дейін емтиxан сұрақтарын облыстық білім беру басқармалары дайындаса, енді екі пән бойынша тест тапсырмаларын ұлттық тест орталығы әзірлейтін болады. Негізі, тест сұрақтары дайын. Сондықтан мектептерде ол сұрақтарды сынақтан өткізуге болады», — дейді Ерлан Сағадиев.

Жаңа форматқа сәйкес «Алтын белгіні» ҰБТ-да растаудың қажеті жоқ, оны мектептердің өздері растайды.

«Ал ұлттық бірыңғай тестілеудің өзі жоғары оқу орнына түсу және мемлекеттік гранттарды тарату үшін өткізіледі. Тестілеудің форматы да өзгеріп отыр. Бұған дейін бес пән бойынша 125 сұрақ болған. Соның ішінде тек төрт пәннің 100 жауабы ғана ескерілсе, жаңа формат бойынша 120 сұрақ болады. Барлығы ескеріледі. Ең жоғары ұпай саны — 140. Себебі кейбір сұрақтар бойынша екі ұпай алуға мүмкіндік бар. Сөйтіп, ұлттық бірыңғай тестілеу бірте-бірте SIT-ге (System Integration Test) ауысып отыр. Тестілеу кезінде үш міндетті және екі салалық пәндер болады», — деп атап көрсетті министр.

ДереккөзҚазАқпарат
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз