Синоптиктер алдағы 3 күнде ауа температурасы көтерілетінін болжады

Қазақстанның басым бөлігі әлі де биік циклонның ықпалында болады, соның әсерінен толассыз жаңбыр жауады, тек батыста жауын-шашын жаумайды.

“Қазгидромет” мамандары 25-27 тамыз күндері ауа райы қандай болатынын хабарлады.

Синоптиктердің болжамына қарағанда, көп өңірде ауа температурасы көтеріледі.

Қазақстанның кей жерде найзағай ойнайды, тұман түседі, дауыл тұрады, желдің екпіні секундына 15-25 метрге дейін күшейеді, бұршақ жаууы мүмкін. Еліміздің оңтүстік және оңтүстік-шығыс өңірлерін қоспағанда, көп өңірде ауа температурасы біртіндеп көтеріледі, – деп хабарлады мамандар.