Психологиялық триллердің басты рөлінде Айсұлу Әзімбаева ойнайды. «Мен Айсұлу Әзімбаеваны «Көңілдес әйел» қойылымында көргенмін. Спектакльден кейін біз сөйлесіп, жаңа бір картина түсіруге келістік. Айсұлу — нағыз әртіс. Жаңа фильмнің идея авторы да өзі. Тимур Жақсылықов та біздің ойымызды қостады. Бұл біздің ортақ жобамыз. Бір жылдан соң жаңа «Она» фильмінің өндірісін бастап отырмыз. », — дейді Ақан Сатаев.
Түсірілім 2016 жылы 5 қарашада басталып, 29 қарашасына дейін Алматыда өтеді. Картина 2017 жылы көктемде шығады деп жоспарланған.