Президент: “Абай­тану” курсын оқыту мәселесін қолға алу керек

Мемлекет басшысы Қасым-Жомарт Тоқаев "Егемен Қазақстан" газетіне Абай туралы жазған мақаласында "Абай­тану" оқулығы мен хрестоматиясын әзір­леу қажет екенін айтты.

Қасым-Жомарт Тоқаевтың айтуынша, қазір елімізде абайтанумен айналасатын бірнеше ғылыми-зерттеу орталығы бар. Осылардың жұмы­сын жүйелеп, Нұр-Сұлтандағы Абай акаде­миясының төңірегіне топтастырған жөн.

Академия барлық зерттеу меке­месінің жұмысын ғылыми тұрғыдан үйлестіруші міндетін атқара алады, – деп жазды ол.

Мемлекет басшысы алдағы уақытта гуманитарлық пән­дер­дің бөлінбес бөлшегі ретінде “Абай­тану” курсын оқыту мәселесін қолға алу керек екенін айтты.

Жаңа философиялық және саяси ұстаным тұрғысынан “Абай­та­ну” оқулығы мен хрестоматиясын әзір­леу қажет. Сондай-ақ Абайдың “толық адам” ілімі жан-жақты әрі терең зерттелуге тиіс, – деп жазды Президент мақаласында.