2020 жылы 29 шілдеде Алматыда Қазақстан сәулетшілер одағының президенті Ақмырза Рүстембеков кенеттен қайтыс болды. Бұл туралы «Алматыбасжоспар» ғылыми-зерттеу институты Facebook-те хабарлады.
Ақмырза Рүстембеков — Қазақстанның еңбек сіңірген қайраткері, Қазақстанның құрметті сәулетшісі, Шығыс елдері халықаралық сәулет академиясының корреспондент мүшесі, Қазақ бас сәулет-құрылыс академиясының құрметті профессоры, Ресей сәулетшілер одағының құрметті мүшесі, Қазақстан дизайнерлер одағының мүшесі. ⠀
Ол «Астана-Бәйтерек» жобасы үшін ТМД елдерінің сәулетшілер одағының Халықаралық ассоциациясының (IASA) Х халықаралық байқауында гран-при мен алтын медальға ие болды.
