Жаңақорған ауруханасына кәсіпорындар көмек беріп жатыр

Қызылорда облысы әкімдігінің қолдауымен жергілікті кәсіпорындар мен кәсіпкерлер облыстағы ауруханалар мен емханаларға қолдау көрсетіп келеді.

“Байкен-U” ЖШС кәсіпорны Жаңақорған ауданаралық ауруханасының санитарлық провизор орталығына екі дана оттегі концентраторы аппаратын жеткізсе, “Қызылқұм” ЖШС кәсіпорнынан 500 дана оттегі баллонын алуға 1 250 000 теңге қаржы аударған.

Қызылорда облыстық Ішкі саясат басқармасының мәлімдеуінше, алдағы уақытта осындай игі істер жалғасын табады.