Кешенді тестілеуге (КТА) қандай өзгерістер енгізілді?

Колледж бітірген түлектер ЖОО-ға түсу үшін тапсыратын кешенді тестілеудің талаптарына да өзгеріс енгізілді. Бұған дейін тестте мектеп білімі тексерілсе, енді түлектің колледжде алған білім ескеріледі.

Кешенді тестілеуде талапкер 60 сұраққа жауап береді: базалық пән бойынша алынған академиялық білім деңгейі тексерілетін жалпы бефінді пәннен 20 тасырма және тереңдетілген академиялық білім дегейін, сондай-ақ, практикалық дағды мен ептіліктерін анықтауға бағытталған бейінді пәндерден 40 тапсырманы орындайды. Бұл үшін талапкерге 100 минут уақыт беріледі.

Жалпы бейінді пән – белгілі бір мамандықтар тобына арналған пәндер. Мысалы, барлық педагогикалық мамандықтар үшін жалпы бейінді пән – «Педагогика және психология негіздері», заңгерлік мамандықтар үшін – «Мемлекет және заң негіздері», ауыл шаруашылығы мамандықтары үшін – «Биология», тағы сол сияқты.

Бейінді пән – нақты мамандықты игеруге қажетті пән. Мысалы,  болашақ математика мұғалімі үшін бейінді пән – «Математика», құқық қорғау органдарының қызметкерлері үшін – «Қылмыстық құқық», мал дәрігерлері үшін – «Жануарлардың анатомиясы және физиологиясы» деген сияқты әр мамандықтың өз пәні болады.

  • Ең жоғарғы көрсеткіш — 70 балл;
  • Ең төменгі көрсеткіш — 35 балл.

ҰБТ колледж

ҰБТ КТА

ДереккөзҚР БҒМ сайты
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз