Дәурен Абаевтың айтуынша, бұл жағдай коронавирустың қауіпті екенін тағы бір рет еске салды.
Құрметті отандастар, бұл — төтенше брифинг. Өкінішке қарай, бүгін коронавирустан Қазақстан азаматы қайтыс болды. Туыстары мен жақындарына көңіл айтамыз. Бұл — орны толмас қаза. Бәріміз қайғырып отырмыз. Ертең Нұр-Сұлтанның денсаулық сақтау басқармасы қайтыс болған азаматтың медициналық жағдайы туралы толық ақпарат береді. Бұл жағдай коронавирус қауіпті екенін тағы бір рет еске салды. Қазір болып жатқанның бәрі бізге сынақ, — деді Дәурен Абаев.
