Бірінші науқас — әйел адам. Бұған дейін оның күйеуінен коронавирус инфекциясы табылған.
Елжан Біртановтың айтуынша, қазір бұл отбасымен жақын қарым-қатынаста болған барлық адам оқшауланды.
Екінші науқас — ер адам, ол кеше Сеулден Алматыға ұшып келген.
Онымен бірге 130 жолаушы ұшып келген. Оның ішінде трансфермен ұшып кеткендер бар, қалған жолаушылар түгел, 100% инфекция ауруханасына, карантин стационарына жатқызылды. Қалаға ешкім кірген жоқ, — деді Елжан Біртанов.
Қазіргі жағдайда Қазақстанда коронавирус инфекциясы барлығы 8 науқастан табылып отыр. Олар арнайы инфекция ауруханасында жатыр, науқастармен жақын қарым-қатынастағы адамдар да карантинге жатқызылды.
Қазір Қазақстанда 1400-ден астам адам стационар карантинінде, 500-ге жуық адам үй карантинінде.
