Алдағы күндері температура нормадан 4-12 градус жоғары болады

Осы аптада елімізде жауын-шашын түсіп, температура нормадан тыс жоғарылайды. "Қазгидромет" мамандары 25-27 ақпан күндерінің ауа райына осындай болжам жасады. 

Көктемгі шөп
Фото: Allnokia.ru

Мамандардың мәліметінше, алдағы күндері Сібір антициклонының жотасы жауын-шашынды болдырмайды, бірақ Қазақстанның көп облысында түнде және таңертең 500 метрден аспайтын қашықтағы көріністі нашарлататын тұман түседі.

Республиканың батыс облыстарына атмосфера фронттары жауын-шашын мен көктайғақ алып келді. Бұл фронттар кезекті Атлантика циклонымен байланысты, сондықтан олар жауын-шашынмен қатар ауа температурасының жоғарылауына да себеп болады. Фронттардың батыстан шығысқа жылжуына қарай Қазақстан аумағының қалған бөлігінде жауын-шашын түсіп, көктайғақ болады, – деп хабарлады синоптиктер.

Алдағы үш тәулікте ауа температурасы климат нормасынан 4-12 градус жоғары болады.