Сондай-ақ, үш ер адамның өліміне қатысы бар делінген Талғат Сүлеймановтың ұсталғаны белгілі.
Күдіктілердің бірі Мұрат Оңалбаевтың адвокаты Меркебек Мәкенбаев бұл істің прокуратураға айыптау актісін бекіту үшін жіберілгенін айтты.
«Дүйсенбіде, 24 қазанда біз іс материалдарымен танысып, сотқа дейінгі тергеу жұмыстарының аяқталуына қатысты құжаттарға қол қойдық. Екі күдікті ҚР Қылмыстық Кодексінің 99-бабы бойынша айыпталса, тағы біреуі «Қылмыс туралы хабарламау» бабы бойынша айыпты деп танылды. Іс Алматы облысының прокуратурасына айыптау актісін бекіту үшін жіберілді», — деді адвокат Меркебек Мәкенбаев.
Еске салайық, қыркүйек айында Талдықорған қаласына жақын маңдағы Көксу ауданының 3 тұрғыны Алматы жақтағы Ұзынағаш базарында мал сатамыз деп із-түссіз жоғалып кеткен болатын. Кейінірек олардың өлі табылғаны хабарланған еді. Ведомстводағылардың айтуынша, марқұмдардың денесінде зорлық белгілер бар. Полицейлер кісі өлтірді деген күдіктілерді ұстады. Олар Жамбыл ауданының екі тұрғыны. Қазіргі уақытта ҚР Қылмыстық кодексінің 99-бабы («Адам өлтіру») бойынша соталды тергеу аяқталды. Күдіктілер уақытша ұстау изоляторына қамалды.
Айта кетейік, ұсталғандар екі айға (24 қарашаға дейін) қамауға алынды.
