ПатриоБіреудің үйіне кіріп, мүлкін тонаумен айналысатын, сөйте отыра жалған патриотизммен ұрандататын адамдар, әрине, патриот емес. Олар — заңды аттап өткен адамдар, яғни қылмыскерлер, криминал элементтер. Сондықтан олар қоғам мен мемлекет алдында мейлінше қатал заңмен жауапқа тартылады, — деді Қасым-Жомарт Тоқаев.
Президент нағыз патриот деп волонтерларды атады.
Мына жерде тұрған сіздер — мемлекетіміздің патриотысыздар. Отанға деген махаббат бөспе ұран мен бос декларация емес, ол — күн сайынғы еңбек, соның ішінде халық игілігі үшін жан қалауымен қайырымды іспен айналысу. Ол — кең білім, жүріс-тұрыстың биік мәдениеті, оны сіздер іс-әрекетіңізбен, күн сайынғы мәдениетіңізбен көрсетіп жүрсіздер. Мен сіздерді сол үшін құрметтеймін, — деді Қасым-Жомарт Тоқаев.
Волонтерлардың фронт-кеңсесі EXPO-2017 көрме кешеніндегі ArtHUB павильонында ашылып отыр. Ол — еліміздегі волонтер жобаларын үйлестірумен және оларға қоғамдық бақылау жүргізумен айналысатын кеңес, әдістеме және ақпарат беру орталығы.