28-ші Дүниежүзілік қысқы Универсиада дирекциясының мәліметінше, Универсиадаға 100 күн қалуына орай Медеуде салтанатты іс-шаралар ұйымдастырылады.
Шара барысында ди-джейлер мен танымал кавер топтардың қатысуымен ойын-сауық концерттік бағдарлама өтеді. Универсиаданың бойтұмары саналатын «Сұңқар» құсының балапаны мұз айдынына келген қонақтардың көңіл-күйін аулайтын болады. Сондай-ақ, түрлі конкурстар ұйымдастырылып, қонақтар арасында бағалы сыйлықтар ойнатылады.