Чемпиондарға медаль тістеп суретке түсіруді үйреткен фотографтар болып шықты. Олар бірқалыпты суреттер түсіре беруден жалығып, спортшыларға жүлдесінің сапасын тексеріп, тістеп тұрған түр жасауын сұраған.
Содан суретке осылай түсу дәстүрге айналған.
Бұрындары алтынның сапасын тістеп тексерген екен. Нағыз алтын жұмсақ болғандықтан, онда тістің ізі қалуы керек.
Олимпиаданың алтын жүлделері шамамен 93% күмістен тұрады.
Алтын медальдардың тек 1,2%-ы ғана таза алтыннан тұрады. Осындай алтын жалатылған жүлделер спортшыларға 1912 жылдан бастап беріліп келеді.
Алайда, медальды тістеу қауіпті болуы мүмкін.
Мысалы, 2010 жылы өткен Қысқы олимпиадада алған жүлдесін тістеймін деп, Дэвид Мюллер есімді спортшы тісін сындырып алған.
Сондықтан кейбір чемпиондар жүлдесін сүюді әдетке айналдырды.
Бұл олардың Олимпиада мен спорт түріне деген махаббаты мен құрметін білдіреді.
Жүлде толығымен алтыннан құйылмаса да, оны алуға кеткен күш пен төгілден тердің өтемі алтыннан да қымбат екені сөзсіз.