Семей әуежайына және қаланың білім беру мекемелеріне Абай есімін беру облыстық ономастика комиссиясында мақұлданып, Шығыс Қазақстан облыстық мәслихатының депутаттары тарапынан қолдау тапты. Құжат республикалық ономастика комиссиясына жіберілді. Сонымен қатар №49 мектеп те Абай атына берілмек.
Келесі жылы елімізде Абайдың 175 жылдығы тойланады. Мерейтойға орай облыс көлемінде 500-ден астам шара өтеді.
Сонымен қатар №2 орта мектеп Қаныш Сәтпаев атына, №3 мектеп, сонымен қатар кешен — Мұхтар Әуезов атына, №34 мектеп батыр Бауыржан Момышұлы, №37 мектеп-гимназиясы Ыбырай Алтынсарин, №39 мектеп Әлихан Бөкейханның атына, №47 мектеп Ахмет Байтұрсынов, Пригород орта мектебі Жүсіпбек Аймауытовтың атына берілмек.