Алматыда Қарттар күніне орай зейнеткерлер серуенге шықты

Алматының Жетісу ауданында тұратын 30 қария Орталық мәдениет және демалыс паркiне серуендеп қайтты. 

Ауданда Қарттар күніне орай қарттар айлығы ұйымдастырылды. Айлық аясында аудан әкімдігі қызметкерлері мен Жетісу ауданы ардагерлер кеңесінің төрағасы Тамара Шакирова аудан қарияларын паркке автобуспен алып барды.

Аудан әкімінің баспасөз қызметінің мәліметінше, қариялар паркте сирек кездесетін жануарларды көріп, таза ауада демалды. Арнайы түскі ас ұйымдастырылды.

Замандастар өзара әңгіме айтып, жастарға ақыл-кеңесін берді.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз