Өңірлерде жел күшейеді, тұман түседі, солтүстікте көктайғақ болып, жаяу бұрқасын соғады, оңтүстікте найзағай ойнайды.
«Қазгидромет» кәсіпорны мамандарының болжамына қарағанда Солтүстік Қазақстан, Ақмола облыстарында екпіні секундына 23-28 метрге жететін жел соғады, тұман түседі, көктайғақ болады, жаяу бұрқасын соғады.
Павлодар облысында жел екпіні секундына 25 метрге дейін күшейеді. Шығыс Қазақстан, Қарағанды, Қостанай, Ақтөбе, Түркістан облыстарында 15-20 м/с жел соғады, Түркістан облысының кей жерінде найзағай ойнайды, Батыс Қазақстан, Жамбыл, Қарағанды облыстарында тұман түседі.
