Ақорданың баспасөз қызметінің хабарлауынша, Президент Әкімшілігі басшылығы, Қауіпсіздік кеңесі хатшысы, Бас прокуратура, Ұлттық қауіпсіздік комитеті, Мемлекеттік күзет қызметі, Ішкі істер министрлігі басшыларының қатысуымен өткен жиында еліміздің қоғамдық-саяси өміріндегі өзекті мәселелер талқыланды.
Қасым-Жомарт Тоқаев қазақстандықтардың құқығын қамтамасыз ету мақсатында еліміздегі құқық тәртібі мен заңдылықты күшейтудің маңызы айрықша екенін айтты.
Президент ұлттық заңнамаларды түсіндіру және азаматтардың құқық сауатын арттыруды жандандыру қажет деп есептейді, — деп хабарлады Ақорданың баспасөз қызметі.
