Александр Лукашенко Қазақстанға ресми сапарымен келеді

Келіссөздер кезінде Қазақстан мен Беларусь арасындағы стратегиялық серіктестіктің ахуалы мен перспективалары талқыланады.

Мемлекеттер басшылары ТМД, Еуразиялық экономикалық одақ және басқа да көпжақты құрылымдар аясындағы екі елдің өзара ықпалдастығын дамыту, өңірлік және халықаралық күн тәртібіндегі маңызды мәселелер жөнінде пікір алмасады деп жоспарланып отыр.

Сапар қорытындысы бойынша бірқатар екіжақты келісімге қол қойылады.