Қасым-Жомарт Тоқаев Атырау облысына барды

Президент Қазақстан мұнайының 120 жылдығына арналған салтанатты жиынға қатысады.

Қасым-Жомарт Тоқаев
Фото: Берік Уәли

Қасым-Жомарт Тоқаев жұмыс сапарымен Атырау облысына барды. Бұл туралы оның баспасөз хатшысы Берік Уәли Facebook-парақшасында жазды.

Қазақстан Президенті Атыраудағы мұнай сервис кәсіпорнының біріне барып, Қазақстанның мұнай-газ саласын дамыту мәселелері жөнінде кеңейтілген кеңес өткізеді, – деп жазды ол.

Сонымен бірге Қасым-Жомарт Тоқаев Қазақстан мұнайының 120 жылдығына арналған салтанатты жиынға қатысады.