2019 жылғы шілдеде Қазақстандағы ең төменгі күнкөріс деңгейі 29 618 теңге болды. Бұл туралы ҚР Ұлттық экономика министрлігінің Статистика комитеті хабарлады.
Мамандардың мәліметінше, негізгі тамақ өнімдерін тұтынудың ең төменгі нормаларынан есептелген халықтың жан басына шаққандағы ең төмен күнкөріс деңгейінің шамасы 2019 жылғы шілдеде 2018 жылғы желтоқсанмен салыстырғанда 12% жоғарылады. Оның ішінде ет пен балықты сатып алуға жұмсалған шығын үлесі 19,9%, сүт, тоңмай өнімдері мен жұмыртқа сатып алуға жұмсалған шығын үлесі 14,8%, жеміс пен көкөніс алу үшін жұмсалған шығын үлесі 10,9%, нан және жарма өнімдері шығынының үлесі 7,4%, қант, шай мен дәмдеуіштерді сатып алуға жұмсалған шығын үлесі 2% болды.
| теңге | |||||||
|
|
Орта есеппен халықтың жан басына шаққанда |
0-13 жастағы балалар |
14-17 жастағы жасөспірімдер |
18 жастан асқан еңбекке қабілетті халық |
Зейнеткерлер мен қарт адамдар |
||
|
жас жігіттер |
қыздар |
ерлер |
әйелдер |
||||
| Ең төмен күнкөріс деңгейінің шамасы |
29 618 |
23 458 |
37 499 |
28 731 |
35 295 |
28 023 |
27 810 |
| Азық-түлік тауарлары |
16 290 |
12 902 |
20 625 |
15 803 |
19 412 |
15 412 |
15 295 |
| Азық-түлік емес тауарлар мен көрсетілетін қызметтер |
13 328 |
10 556 |
16 874 |
12 928 |
15 883 |
12 611 |
12 515 |
Ең төмен күнкөріс деңгейі — шамасы бойынша ең төмен тұтыну себетiнiң құнына тең, бір адамға арналған ең төмен ақшалай кiрiс. Ең төмен тұтыну себетi адамның тыныс-тіршілігін қамтамасыз ету үшін қажет тамақ өнімдерінің, тауарлар мен көрсетілетін қызметтердің заттай және құн түріндегі ең төмен жинағын білдіреді. Ол азық-түлік себетінен және азық-түлік емес тауарлар мен көрсетілетін қызметтерге жұмсалатын шығындардың тіркелген үлесінен тұрады. Ең төмен күнкөріс деңгейін есептеуге арналған аз тұтынылатын азық-түлік емес тауарлар мен көрсетілетін қызметтерге жұмсалатын шығындардың үлесі ең төменгі тұтыну себеті құнының 45%-і мөлшерінде белгіленген.
