Қасым-Жомарт Тоқаев Валентина Матвиенконы орденмен наградтады

Ресей саясаткеріне І дәрежелі "Достық" ордені Қазақстан мен Ресей арасындағы екіжақты қарым-қатынастарды нығайтуға және дамытуға қосқан үлесі үшін беріліп отыр.

Қасым-Жомарт Тоқаев Валентина Матвиенкомен кездесті
Қасым-Жомарт Тоқаев пен Валентина Матвиенко. Фото: Аkorda.kz

Президент Қасым-Жомарт Тоқаев Ресей Федерациясы Федералдық жиналысы Федерация кеңесінің төрағасы Валентина Матвиенконы І дәрежелі “Достық” орденімен наградтады.

Қазақстан Республикасы мен Ресей Федерациясы арасындағы екіжақты қарым-қатынастарды нығайтуға және дамытуға қосқан үлесі үшін Ресей Федерациясы Федералдық жиналысы Федерация кеңесінің төрасы Матвиенко Валентина Ивановна І дәрежелі “Достық” орденімен наградталсын, – делінген Қасым-Жомарт Тоқаевтың жарлығында.

Еске салайық, бұған дейін Қасым-Жомарт Тоқаев ІІ дәрежелі “Достық” орденімен композитор, пианист, Ресей халық артисі Игорь Крутойды наградтаған еді.