Қасым-Жомарт Тоқаев композитор, пианист, Ресей халық артисі Игорь Крутойды ІІ дәрежелі «Достық» орденімен наградтады. Президенттің тиісті жарлығы Ақорданың сайтында жарияланды.
Қазақстан мен Ресей халықтарының арасындағы достық пен ынтымақтастықты нығайтуға сіңірген еңбегі үшін композитор Игорь Яковлевич Крутой, Ресей Федерациясы, ІІ дәрежелі «Достық» орденімен наградталсын, — делінген жарлықта.
Айта кетейік, 30 маусым күні Игорь Крутой Димаш Құдайбергеннің Нұр-Сұлтанда өткен концертіне қатысқан еді. Ол мұның алдында Ержан Максимнің концертіне де қонақ ретінде шақырылды.