«Қазгидромет» кәсіпорнының мамандары 28-30 мамыр күндері ауа райы қандай болатынын хабарлады.
Синоптиктердің болжамына қарағанда көктемнің соңғы күндерінде Қазақстанның көптеген облысында температура жоғарылайды, бірақ жаңбыр жауып, найзағай ойнайды және екпінді жел соғады.
Алдағы тәуліктерде солтүстік, орталық, шығыс және оңтүстік облыстарда жауын-шашын болмағанымен батыста белсенді циклон құйыны қалыптасып отыр, соның салдарынан бұл аймақта жаңбыр жауады, ал оның шығысқа қарай ығысуымен бірге республиканың қалған аймағында жаңбыр жауып, найзағай ойнайды, — деп хабарлады «Қазгидромет» РМК баспасөз қызметі.