Домой Авторы Посты от admin

admin

115 ПОСТЫ 8 КОММЕНТАРИИ
http://kazbash.kz

Пицца дайындау, тарихы

Қазіргі кезде балалардың да, ересектердің де сүйіп жейтін тағамының бірі пицца екенін бәріміз білеміз. «Пицца» сөзі италия тіліндегі «pizzicare», яғни «ащы» деген сөзден шыққан. Ал пиццаның тарихы сонау ХVI ғасырдан басталады. Осы сүйікті асымызды үй жағдайында қалай дайындау керектігімен таныс болайық.

Қамырдың құрамы: 1 стақан су; Ұнның сөлшері суға байланысты; Қамыр ашытқысы - 20 грамм; Зәйтүн немесе өсімдік майы; Томат пастасы. Салманың құрамы: Зәйтүн жемісі - 50 гр; Орташа қызанақ - 3 дана; Болгар бұрышы - 1 дана; Шұжық - 100 гр; Сыр - 100 гр; Майонез. 1 стақан суға 20 грамм ашытқыны салып, ерітіп қоямыз. Пицца қамырына ашытқыны көп мөлшерде қосады. Ашытқы суда ерігеннен кейін, 1-2 ас қасық зәйтүн немесе өсімдік майын құямыз. Суға ұн салып, илейміз. Илегенде қамыр не қатты не тым жұмсақ болмауы тиіс, сондықтан ұнның мөлшері суға байланысты алынады. Қамырды илегеннен кейін бетін жауып, ашығанға дейін бөлек қоямыз. Зәйтүн жемістерін екіге бөліп тураймыз. Болгар бұрышын үлгідегідей жіңішке етіп тураймыз. Қызанақтарды дөңгелектеп турау қажет. Шұжықты ұзын тілім етіп тураймыз, ал сырды үккіштен өткіземіз. Жоғарыдағы салмамызды дайындап жатқанда, қамыр да ашып үлгерді. Қамырды алдын-ала аздап қыздырылған, беті майланған табаға жаямыз. Жайған қамырдың бетіне томат пастасын жағамыз немесе дүкендерде арнайы пиццаға арналған томат соусы да сатылады. Тым құрығанда, кетчуп жағуға да болады. Томат пастасының үстіне шұжықты саламыз. Оның үстіне қызанақты қоямыз. Содан соң болгар бұрышы... Зәйтүн жемісін де жақсылап орналастырамыз. Барлығын кезекпен салып шыққаннан кейін бетіне майонез жағамыз. Егер қызанақ, шұжықтан артылып қалса, екінші қабат ретінде салып жіберуге болады. Ең соңында бетіне сырды себеміз де, 180 градуста 20 минутқа пешке қоямыз. Пицца піскеннен кейін бөліктерге бөліп, ыстықтай дастарқанға ұсынуыңызға болады. Ас болсын!

Қуырылған нан

Көптеген адамдар кесіліп, қуырылған нан жасап жеуді ұнатады. Себебі ол әрі жеңіл әрі тез жасалатын тағамның бірі.

Оны дайындау үшін бізге: - 3 тілім нан; - 1 жұмыртқа; - 2 ас қасық сүт; - жарты қызанақ; - 3 ас қасық үгітілген сыр; - аскөк; - тұз, бұрыш; - өсімдік майы керек болады. Дайындау жолы: Жұмыртқаны сүтпен, аскөкпен араластырып, аз ғана тұз, бұрыш себіңіз. Қоспаны шанышқымен араластырып, көпіршіту керек. Нанды кесіп, жұмыртқа қоспасына салып, әбден сіңгенінше күтіңіз. Әзірше табаға май құйып, отқа қойып, қыздыра беріңіз. Нанды екі жағынан қуырып алыңыз. Дайын нанның үстіне қызанақты жұқалау етіп кесіп қойыңыз. Тұздап, үстінен үгітілген сырды себіңіз. Пешкеа қойып, сырдың еріп, нанның қызаруына дейін ұстаңыз. Ас болсын!

Жүгері қайнатқыңыз келсе…

Жақсы жүгері таңдағыңыз келсе, мына қасиеттеріне назар аударыңыз: жас жүгерінің дәндерінің түсі ашық сары, собығы аса үлкен де, ұзын да емес, дәндерінің қатары біркелкі әрі қатты болуы қажет. Ең алдымен жүгеріні жақсылап жуып, лас собықтарынан тазартып алыңыз, таза жапырақтарының сол қалпында тұра бергені дұрыс, олар жүгеріге хош иіс пен жағымды дәм береді. Қатайып кетпес үшін жүгеріні тұзсыз қайнатады. Өзегін тағам ретінде пайдалануға болмайды. Оны шұңғылы және жуандау келген, қақпағы бар ыдысқа қайнатқан жөн. Су жүгеріден бірнеше сантиметр асып тұруы керек. Қысқа толқынды пеште 10-2 минут, булатқышта 15 минут, жылдам қайнатқышта (скороварка) 5-10 миунт қайнатсаңыз жеткілікті.

Бешбармақ рецепт қазақша

Ет жылқы, сиыр, қой еті өз қалауыңызша алып жақсылап жуып, қазанға етті саламыз. Ет қайнаған кезде, көбігін алып, тұздап, отты азайтып, 2 сағаттай қайнатамыз. Енді қамырымызды дайындап аламыз. Қамырға:
  • 2 жұмыртқа
  • 1 шәй қасық тұз
  • 200гр су
  • Ұн
Барлық қоспаларды қосып, жақсылап қамыр илеп 20 минутқа қамырымызды қойып қоямыз. 2пиязды алып майдалап турап ыдысқа салып, үстінен еттің бетіндегі майлы сорпадан құямыз да бұқтырамыз. Қамырымызды жайп алып, етті сүзіп қайнап тұрған сорпаға қамырымызды бір-бірлеп салып, піскен соң легенге сүзіп алфамыз. Етті турап, қамырдың бетіне май сорпасын құйып, бетіне етті салып , еттің бетінен қайта май сорпамызды құямыз. Өз қалауыңызша картоп пен сәбіз салуыңызға да болады. Бешбармақ дайын. Астарыңыз дәмді болсын!

Бауырсақ жасау жолы

Баурсақ үшін қажетті азық – түлігіміз:
  • сұйық май
  • 1 жұмыртқа
  • Қаймақ
  • Ұн
  • Ашытқы
  • жылы су
  • қант
  • тұз
Ашытқыны дайындап аламыз. Суға ашытқы, тұз , қант салып, араластырамыз. Үстінен ұнды салып, кішкене сұйық май құйып жібереміз де жақсылап қамыр илейміз. Қамырдың бетін жауып көтерілгенше қойып қоямыз. Қамыр көтерілген соң зуала жасап, қамырымызды жаямыз. Бауырсақты дөңгелектеп немесе төртбұрыштап кесуге де болады. Қазанымызға май құйып, қызған соң бауырсақтарымызды салып пісіреміз. Ақпарат көзі: http://tagamdar.kz

Ұйғыр лағманын жасаймыз

Құрамы:
  • Ет – 500 гр
  • Пияз – 3 дана
  • Картоп – 4 дана
  • Сәбіз – 2 дана
  • Редка – 1 дана
  • Қызанақ – 1 дана
  • Томат
Қамырына:
  • Су -1 кесе
  • Ұн – 1 кесе
  • Жұмыртқа – 1 дана
  • Тұз
Лағман дайындау рецепт. Брлық қоспаларды майдалап турап алыамыз. Қазанға майды құйып етті қуырамыз артынан сәбіз, пияз, қызанақ редка картоп, барлығын шетінен салып жақсылап қуырамыз да томат қосып , су құйып отты бәсеңдетіп қоямыз. Тұз салуды ұмытпаңыз. Енді кеспемізді дайындап аламыз. Жұмыртқаны тұз , су, ұн қосып жақсылап қамыр илейміз. Қамырды 20 минутқа бетін жауып қойып қоямыз. Тұрған қамырымызды алып пышақпен бірнеше бөліктерге боліп, май жағып қамырды сөзамыз. Бірнеше рет созғаннан кейін, қамырды дастарханға ұру керек. Дайын кеспамізді қайнап тұрған тұз салынған суға салып пісіріп алыңыз. Кесемізге кеспені салып үстінен дайын сорпасын құямыз. Бетінен аскөк сеуіп беруіңізге де болады. Асыңыз дәмді болсын! Ақпарат көзі: http://tagamdar.kz

Өзбекше самса жасау

Құрамы: Қамырына:
  • Ұн – 4 стакан
  • Жұмыртқа – 1 дана
  • Жылы су – 1 стакан
  • Сары май – 100 гр
  • Тұз
Салмасына:
  • Қой еті
  • Қой майы
  • Пияз
  • Тұз, бұрыш
  • Дәмдеуіштер дәміне қарай
Самса дайындау тәсілі: Жылы суға жұмыртқа, тұз, сары май қосып, жаймен ұнды салып қамыр илейміз. Қамырымызды үш бөлікке бөліп, бетін жауып, 20-30 минутқа қойып қоямыз. Енді салмасына дайындап аламыз. Қой еті мен майын майдалап тураймыз. Пиязды майдалап турап, тұз бен бұрыш қосып, дәміне қарай дәмдеуіштер қосуыңызға да болады.Барлығын жақсылап араластрамыз. Қамырымыздың бір бөлігін алып, жайямыз да арасына ерітілген сары майды жағамыз.Келесі екі қамырымызды да дәл осылай жайып, арасына май жағып майы сіңгенше сәл тұрамыз. Енді қамырымызды рулет ұқсатып ораймыз. Қамырымызды бірнеше бөліктерге бөліп үсті үстіне қойып, шетінен қамырымызды дөңгелектеп жаямыз. Әр қамырымызға салмасын салып, дөңгелектеп, немесе үшбұрыш етіп жабыстырамыз ол енді өз қалауыңызда. Енді табамызды алып, майлап самсаны салып, самса бетін жұмыртқаның сарысын жағып бетінен мак себемізде пешке салып пісіреміз. Самсамыз дайын.

Манты жасау

Құрамы: Салмасына:
  • 300г қой еті
  • 30г қой майы
  • 7-8 дана пияз
  • Қара бұрыш, қызыл бұрыш, тұз
Қамырына:
  • 1 жұмыртқа
  • 1 стакан ұн
  • 0,5 ст су
  • 1 шәй қасық тұз
Манты дайындау рецепт: Қой еті мен майын еттартқыштан өткізіп аламыз. Пиязымызды майдалап турап етке қосып тұз, бұрыштарды сеуіп, жақсылап араластырып қоямыз. ЕНнді қамырымызды дайындап алайық. Жұмыртқаны ыдысқа жарып, оған су , тұз ұнды салып, жақсылап қамыр илейміз. Мантаваркамыздың астынғы табағына су құйып пешке қоямыз. Енді қамырымызды жайып, формасын келтіріп кесіп, дөңгелектеп немесе төртбұрыштап кесуге де болады. Дайын қамырларымызға салмасын салып мантымызды бүгеміз. Манты табаларын малап мантыларымызды нығыздап саламыз да бетін майлауды ұмытпаңыз. Мантымызды отқа қоямыз. Мантымыз жартты сағаттан соң дайын болады. Дайын мантымызды алып , тарелкаға салып аскөкпен сәндеп дастарханға қоямыз.

Балық қосылған салат

Бізге керегі:
  • Сәбіз – 2дана
  • Ұсақ балық – 500г
  • Пияз
  • Өсімдік майы – 2 ас қасық
  • Қияр – 2 дана
  • Тәтті қызыл бұрыш дәміне қарай
  • Сарымсақ
  • 1 ас қасық сірке суы 9%
  • Аскөк
  • Тұз
Салаттар дайындау суретімен: Пиязды дөңгелектеп тураймыз да сірке суын құямыз. Сәбізді тазалап , ұзыншалап жіңішке етіп тураймыз. Содан сон сәбіз бен пиязымызды араластырып, қыздырылған өсімдік майын құямыз. Ұсақ балықтарымызды қайнаған суға үш минуттақа саламыз. Әрі қарай ұсақ балықтарымызды алып, суытып майдалап тураймыз. Қиярды ұзыншалап тураймыз тұз сеуіп сарымсақты үкіштен өткізіп бирге араластырамыз. Енді барлығын араластырып, тоңазтқышқа қоямыз. Дастарханға қоярда аскокпен сәндеп қоямыз. Ақпарат көзі: http://tagamdar.kz

Жаңа жылға шырша печеньесі

Қамырына:
  • 1 стакан қант, кишкене тұз.
  • 100г сары май
  • 2 дана жұмыртқа
  • Лимон шырыны және қабығының үгіндісі
  • 200г мендаль
  • 150г ұн
  • Қант ұнтағы
Жаңа жылдық печеньелердің дайындалуы: Ұнды аламыз оған қант, жұмыртқа және лмон шырыны мен үгіндісін , корицаны қосамыз да жақсылап қамырын илейміз. Соңынан мендалды майдалап қосып дайын қамырымызды жұлдыша формасымен кесеміз. Дайын печеньелерімізді табамызды майлап, салып пісіреміз. Піскен соң суытып шырша ұксатып үсті-үстіне қойып бетінен қант ұнтағын себеміз. Ақпарат көзі: http://tagamdar.kz

Шабдалы қосылған пирог жасаймыз

Құрамы:
  • Консервіленген шабдалы – 300 г
  • Сары май – 130 г
  • Бал – 100 г
  • Жұмыртқа – 2 дана
  • Қант – 100 г
  • Ұн – 125 г
Пирог дайындау рецепті: Сары майды төртбұрыштап бөлеміз. Майға ұн менқантты қосып жақсылап араластырамыз.Жұмыртқа мен қантты екуин араластырып қамырға құйамыз.Соңынан балды қосып, пирогқа арналған қалыпты алып, майлап қамырды құйып қамыр бетіне шабдплыны қойып шығамыз да , духовкаға салып пісіреміз.Пирог дайын болған соң бетіне қант ұнтағын сеуіп қойуға да болады. Ақпарат көзі: http://tagamdar.kz

Жаңа жылдық тәттілер

Құрамы:
  • 1 ас қасық сары май
  • 1 плитка қара шоколад
  • 4 ас қасық сұлы жармасы
  • 2 ас қасық қант
  • Жаңғақ
Жаңа жылдық кәмпиттердің жасалуы: Су буында шоколадымызды ерітіп аламыз. Еріген соң арнайы кәмпиттерге арналған формаларға құямыз. Құйған соң біраз суығанын күтеміз. Енді табаны алып, баяу отта сары майды ерітеміз де оған қантты қосыпараластырамыз. Қант еріген соң жаңғақты және сұлы жармасын саламыз. Барлығын баяу отта жаймен араластырып тұрамыз. Бұл қоспамызды формадағы шоколадтың үстінен әр қайсысына құйып шығамыз. Үстін өз қалауыңызша жаңғақтармен немесе ақ шоколадты ерітіп сәндеуіңізге болады. Дайын кәмпитерімізді тоңазтқышқа қоямыз. Ақпарат көзі: http://tagamdar.kz
банан торты

Жаңа жыл мерекесіне банан тортын дайындаймыз

Құрамы:
  • Жеміс шырын 150г
  • Жұмыртқа 2дана
  • Өсімдік майы 160мл
  • Майлылығы төмен сүт 160мл
  • Банан 2дана
  • Ұн 300мл
  • Үгітілген шоколад немесе какао
  • Разрыхлитель 1 ас қасық
  • Сода 1 ас қасық
Глазуріне :
  • Сары май 60мл
  • Сүт 2 ас қасық
  • Кішкене ванилин
  • Қант ұнтағы 3стакан
  • Үгітілген шоколад 3 ас қасық
  • Банан 1 дана
  • Лимон шырыны
Банан тортының дайындалуы: Үлкендеу ыдысқа шырынды , жұмыртқа , қант, сүт , өсімдік майы және банан барлығын араластырамыз. Ал екінші ыдысқа ұн мен шоколад сода және разрихлителді араластырыып, екі қоспаны біріктіріп араластырамыз. Пешке табаны майлап қамырымызды құйып тортымызды пісіреміз. Тортымыз піскенше глазурін дайындап аламыз. Ванилин мен сары майды араласытырп оған қант ұнтағы мен үгітілген шоколадты қосамыз. Тортымыз піскен соң суытып бетіне глазурін айналдыра жағып, бананымызды дөңгелектеп турап , лимон шырынына бір бірден салып торттың бетіне қойып шығамыз. Бананды лимон шырынына салуымыз сонда бананымыз қарайып кетпейді. Және де торт бетін бананмен қоса өз қалауыңызша әсемдеп қойуыңызға болады. Ақпарат көзі: http://tagamdar.kz/920-zha-a-zhyildyi-banan-tortyi/

Жусай мен ет қосылған салаты

Бізге қажет болады:
  • 2 бума жусай
  • 100-150 гр ет
  • қызыл бұрыш пен қара бұрыш
  • тұздалған су
  • 1-1,5 ас қасық соя соусы
  • 1-1,5 ас қасық сірке
  • 1 жұмыртқа
1 Жусайды жуып, ақ жақтарды кесіп тастаңыз. Оларды да турай салуға болады деген негізі, бірақ мен қатты болады деп алып тастаймыз. Енді жусайды өзіңізге ыңғайлы ұзындықта тураңыз. Мен суреттегідей 2 см етіп тураңыз. 2 Тұздалған суды қайнатып, жусайды соның ішінде 2-3 минуттай пісіріңіз. Жай үстіне ыстық су құйып та жасауға болады, мен пісіруді жөн көрдім. Енді, артық суын алу үшін, жусайды сүзегіге (ор. дуршлаг) қойыңыз. 3 Осы арада етті ұзынша турап, аз майға қуырыңыз. Үнемі араластырып тұрыңыз. Соя соусы қосылатын болғандықтан, мен етке мүлдем тұз қоспағанмын. Оның орнына қызыл бұрыш пен қара бұрыш қостым. 4 Қосқаным ірі тәтті қызыл бұрыш болғандықтан, аямай жарты ас қасық салған едім. Қара бұрышты көп дегенде жарты шәй қасық па солай қосқанмын. Жусайды аздап (қатты сығып езіп жібермеңіз) сығыңыз. Сулы болмауы керек әйтеуір. 5 Қуырылған етті жусайға майымен бірге қосып, араластырыңыз. Ет пен жусайдың арақатынасы (ор.соотношение) фунчеза салатындағыдай болуы керек. Яғни, жусай еттен көбірек болса жақсы. 6 Енді, салатқа сірке суы мен соя соусын қосыңыз. Мен 6% алма сіркесін қолдандым. Егер % көп сірке қолданатын болсаңыз, мөлшерін азайтыңыз. Соя соусын да талғамыңызға қарай қосыңыз. 8 Салаттың жасалынуын осымен бітірсеңіз де болады. Салатты бір ыдысқа қойып, соус сіңуі үшін тоңазытқышқа 1-2 сағатқа қойып қойсаңыз болды. Бірақ мен қосымша ретінде салатқа 1 жұмыртқаны қуырып, ұзынша етіп турап қосқан едім. Ақпарат көзі: http://aspazdik.com/

ТАНЫМАЛ ТАҒАМДАР